Luz De Sefarad

En Luz de Sefarad palavras de Iñaki Echeveste, Director General de la Red de Juderías de España, mos avla sovre el importante lavoro de turismo, istoria en kada una de las Djuderías ke kompozan esta detakada Red i sus aktividades. Kurunamos el programa kon kante litúrjiko "Bendigamos" interpretasión Viviana Rajel Barnatán.Escuchar audio

Ofresemos un programa sovre Pesaj, la fiesta de la matzá, kuando Dió liveró al puevlo evreo de Egipto. Pesaj es una de las festividades de la Torá i una de las más importantes en el kalendario evreo. Esta anyada kayie el 1 de Abril ke se selevra el primer Seder de Pesaj, una kumida festiva onde se konta la Hagadá, la istoria de la liverasión de los djudiós por el Dió, traverso el patriarka Moshé Rabenu. En este programa te kontamos las palavras de la Torá (Viesho Testamento), manadero de la fiesta i damos eksplikasiones al orijín de la fiesta. La matzá, pan ázimo es el sentro de la fiesta, simbol de la umiltá, onde por ocho días tomamos matzot. Kurunamos el programa kon el afamado kante de la Hagadá para todas las chikas kriaturas "Un kavritiko" esta es unotra versión de la kantadera Flory Jagoda."Pesaj alegre para todos kon bindisiones"Escuchar audio

A la okasión de los 500 anyos de la ekspulsión de los djudiós de Sefarad, Rita Gabbai Simantov, poeta sefardí dedikó su ovra en esta importante konmemorasión "Quininetos anios depués". Kompartimos la poesía "Ninias de Salonik" onde Rita Gabbai aze un omenaje a las ninias de Salonik ke yenas por entero de vida fueron eksterminadas del modo más kruel en los kampos de eksterminio nazi. Kurunamos el programa kon el kante tradisional "Morenika" en la boz de Fortuna.Escuchar audio

En Luz de Sefarad kontinuamos selevrando a la musher sefardí ke es la transmisora de la kultura, kantes, romanses i kantes litúrjikos, ke fueron konservados por los sefardim traverso las djenerasiones. La lingua sefardí o djudeoespanyola es la rikeza ke aínda avlan las famyias sefardim, ke viashó kon kada musher a un muevo avenir desmpués de la ekspulsión de Sefarad, en 1492.Dedikamos este kante kontemporáneo en lingua sefardí a todas las musheres: "Printzesita" lo interpretan la gran kantadera Flory Jagoda, z"l i Ramón Tasat.Escuchar audio

Les acercamos la labor de la Fundación Canaria El Buen Samaritano. Por sus recursos, en Tenerife, han pasado en los últimos años más de mil jóvenes migrantes. Muchos de ellos extutelados; otros llegaron a Canarias siendo ya mayores de edad.Desde 2020, la fundación, en Añaza, les acompaña ofreciéndoles un techo, formación y apoyo hasta que consiguen sus papeles y pueden iniciar una vida independiente.Escuchar audio

Ofresemos el testimonio de la superviviente de orijin franzés Denise Papo ke da una eksplikasión sovre komo reusheron eyia, i su famyia a salvarse de terminar sus vidas en kampos de eksterminio. Denise Papo es una superviviente franzesa djudía sefardí de la Shoá, Holocausto, nasida en París en 1937 ofresió su testimonio en el Acto Ofishial del Día Internacional de Memoria del Holocausto y Prevención de Crímenes contra la Humanidad en el Senado el pazado 27 de Enero. Estos testimonios son de gran valor istóriko. Denise mos konta las leyes rasiales i persekusión a los djudiós en París (Francia) al prinsipiar la sigunda guera mundial, komo su padre fue arestado i yevado a un kampo de konsentrasión en los Pirineos franzeses. Kurunamos el programa kon el kante tradisional "Arvolés yoran por luvias" interpretado por Isaac Levy.Escuchar audio

Informamos sovre la entrada de Calatayud en la Red de Juderías de España. Konversamos kon José Manuel Aranda, Alcalde de Calatayud.Kon él avlamos sovre el orijin de la Djudería, ke era la Sigunda en importansia de Patrimonio Real de Aragón, sovre su entrada en la Red de Juderías de España. La komunidad djudía kontinuó en su mezmo kartier, en la parte alta i fortifikada de la sivdad, injunto i pegada al kastiyo de Don Álvaro o Doña Martina, ansimezmo afamado komo Castillo de la Judería. El kartier kontava kon una parte de entrada prinsipal traverso un arko de medio punto, desde la plaza de San Andrés, i suvía por la kuesta de Santa Ana. Kurunamos el programa kon el kante tradisional "Una matika de ruda" interpretado por la kantadera Fortuna.Escuchar audio

En Luz de Sefarad avlamos de musheres eskritoras sefardim. Matilda Gini Barnatán es eskritora i investigadora del pazado djudió i sefardí, konta kon un lugar importante en Casa de Sefarad, en Córdoba. Sebastián de la Obra mos avla sovre esta sala de eskritoras destakadas i sus ovras. Artikolós de la autoría de Matilda Gini Barnatán de istoria de la Inkizisión en España i en el Río de la Plata, de la kultura i istoria de los ispano-evreos i de los sefardim, muncho más yena el universo de Matilda Gini Barnatán. Kolavoradora destakada en Luz de Sefarad i Kreadora de la Emisión Sefarad de Radio Exterior de España en 1986, tambyén konta kon su lugar de privilejio en Casa de Sefarad, en Córdoba (España). La memoria sefardí keda en la palavra oral i eskrita. Kurunamos este programa kon el kante litúrjiko "Non komo muestro Dió" (En Kelohenu), versión inte

Konversamos kon Sebastián de la Obra, Direktor de Casa de Sefarad en Córdoba ke aresivió en serka el Galadrón Mem Guimel 2026, la importansia de la konservasión de la lingua i Patrimonio Sefardí, el Museo i sus mueve salas. Casa de Sefarad es un Museo y Sentro Kultural, de karákter partikolar, su buto es restaurar i rekuperar la memoria i el patrimonio djudeo-espanyol, sefardí. Casa de Sefarad se topa en el korasón mezmo de la Djudería de Córdoba, en la Calle de los Judíos. Komo Sentro kultural bivo desvelopa una variada aktividad alrededor de su patio i de las diversas salas y espasios de ekspozisiones, indemás esta Kasa, konta kon elementos patrimoniales de finales del siglo XIV, un referente museístiko eksepsional en Andalucía. Esta semana selevramos Tu Bisbat en el Kalendario Evreo (fiesta de los arvolés, flores i frutos) los pazados días 1 i 2 de Febrero. Kurunamos este programa kon la

Hoy hablamos del acto por el Dia Internacional de Memoria del Holocausto y de Prevencion de Crímenes contra la Humanidad en el Senado. Una oportunidad más para recordar a todos judios asesinados en la Segunda Guerra Mundial...Olvidar seria matarlos por segunda vez.Escuchar audio

En "Luz de Sefarad" ofresemos investigasiones sovre la istoria de la Inkizisión, komo se krea una Inkizisión moderna i las Bulas Papales. Kompartimos importantes investigasiones sovre la istoria de la Inkizisión en Sefarad, ya en el s XV, en España no se topava nada klaro, dempues de las konversiones forzosas de 1391, topando el provlema es su mayor puntu en medio el reinado de Enrique IV ken pidió al Papa ke nomvrara dos eklesiastikos para Castiilla La Nueva i Andalucía i unotros dos para Castilla La Vieja kon el kargo de inkisidores, kon aporvasión del Rey. En 1475 basho reinado de los reyes Católicos Nicola Franco por medio de la bula “Cum sicut non sine displisentia”, avía ke aktuar kontra el “provlema konverso”. Vos meldamos un "dokumento orijinal" sovre el kastigo a los djudaizantes, ansimezmo investigasiones del investigador Juan Blázquez Miguel. Las Bulas Papales: los Reyes piden autor

En "Luz de Sefarad", ofresemos palavras de Mordejay Guahnich, Presidente de la Asoc Cultural Mem Guimel ke lavora anchamente por la difusión de la kultura sefardí, kon él konversamos sovre la entrada este 2026 de la ciudad de Melilla en la Red de Juderías de España, Caminos de Sefarad i sovre el akto de Entrega de los Galadrones Mem Guimel, selevrado el 8 de Enero de 2026 en el Club Marítimo de Melilla, ke destakan kada anyada institusiones i presonas ke lavoran por la difusión i konservasión de la kultura sefardí.Esta anyada los galadronados son: la Red de Juderías de España, Caminos de Sefarad, Casa de Sefarad en Córdoba i D. Antonio Sierras Sánchez. Rekodramos ke en 2023 Matilda Gini Barnatán, investigadora, eskritora i kolavoradora en Luz de Sefarad asta 2019 aresivió el Galadrón Mem Guimel 2023 por toda una vida dedikada a la difusión i konservasión del patrimonio ist&oa

En "Luz de Sefarad" informamos de las sesh muevas sivdades ke pasan a ser parte de la Red de Juderías de España. Dempués de un prozeso de análiza ya muevas sesh sivdades de Sefarad son parte de la Red de Juderías de España. Ansí se akodró i aprovó en la numeró 68 Asamblea General, el pazado 12 de Diciembre de 2025. Las muevas sivdades ke ya topan su rolo ofishial de membros de pleno derecho desde el 1 de enero de 2026 son: Sevilla, la Ciudad Autónoma de Melilla, Calatayud i Uncastillo en Zaragoza, Llerena, en Badajoz i Valencia de Alcántara en Cáceres estas dos últimas sivdades ke apartienen a la Comunidad Autónoma de Extremadura. Kurunamos el programa kon un ermozo kante de kuna de Grecia "Nana de Salónica" en la versión de Mónica Monasterio i Horacio Lovecchio.Escuchar audio

Desde Luz de Sefarad damos la bienvenida a 2026 kon poesía kontemporánea en primero es la inspirasión de Matilda dedikada a su padre yevándomos a su morada en la chikez en una kartier de Villa Crespo en Buenos Aires "El Padre" de la pluma de Matilda Gini Barnatán, a ken rekodramos kon karinyo i rengrasiando su lavoro siempre i kontinuamos kon unotro enshemplo "Dunke" poesía de la autoría de Viviana Rajel Barnatán i en todas las poesías el akompanyamiewnto muzikal al piano de Darío Meta. En el patrimonio poétiko sefardí kedan guadradas las istorias del pazado, del prezente i del avenir de los sefardim, topamos la palavra ke krea i se dignifika en la memoria.Kurunamos el programa kon el kante tradisional "Por la tu puerta" en la versión de Fortuna. Felisidades a los oyentes un brindis por un 2026 luminoso i yeno de bindisiones.Escuchar audio

En "Luz de Sefarad" ofresemos la rikeza muzikal sefardí. Los romanses espanyoles son guadrados i konservados por los sefardim ke los yevan kon sí komo ese trezoro muzikal ke los akompanya en los kaminos a sus muevas komunidades en los países onde van a morar dempués de la ekspulsión de Sefarad en 1492, ansí la tradisión pasa de djenerasión a djenerasión. Kompartimos un afamado romanse istóriko yamado Las quejas de Jimena, ke mos konta la istoria de la morada del Rey León de onde parte la istoria trájika de Jimena.Romanse “Las quejas de Jimena” interpretado por Adela Rubio.Escuchar audio

Selevramos Januka en el Kalendario Evreo, la fiesta de las luminarias ke selevramos del 14 al 22 de Diciembre. La festividad de Januka es una fiesta onde rekodramos el milagro ke akontesió en esta data, te kontamos la istoria de la festividad, su signifikado kon palavras del Rab Moshé Bendahán. Una fiesta onde asendemos las kandelikas de la janukía, el kandelavro de mueve brasos, fiesta alegre onde la múzika, las dulsurias i la lus adornan la morada. La janukia deve de meterse al lado de la ventana, no soltanto rekodramos el milagro de la reushitá de los makavim kontra los gregos, indemás la fuersa de la lus ante la eskuridad. El milagro del azete ke se topó en le Templo dempués de ser invadido por los gregos i sus dioses ídolos, la janukia reprezenta ke el Dió nunka deshó el Sagrado Templo i ke el frasko del azete ke soltanto podía fraguar el Koen Gadol (Sumo Saserdote del Templo) ke se topó en el Templo desh&oa

En "Luz de Sefarad" informamos sovre la Aljama de San Martín de Valdeiglesias en la Comunidad de Madrid. Kontinuamos informando sovre las Komunidades Djudíasi la prezensia djudía en el S XIII. Los djudiós eran un destakado numeró de la povlasión en San Martín de Valdeiglesias, malgrado ke oy no kedan restos arkeolójikos sí eksisten dokumentasiones sovre la prezensia djudía i su importansia en rolos sosiales, de salud, ekonómiko, i eran duenyos de tieras i de munchas moradas o kazas.Enrique Cantera Montenegro, Catedrático de Historia Medieval de la UNED i eksperto en la Istoria Medieval i en las Djuderías o Komunidades Djudías espanyolas mos ofrese interesantes datos deskonosidos.Kurunamos el programa kon el kante bíbliko en lingua sefardí "Moshé salió de Mitzraim" en la interpretasión de Viviana Rajel Barnatán.Escuchar audio

En "Luz de Sefarad" informamos sovre la Aljama de Buitrago de Lozoya, en la Comunidad de Madrid. La prezensia djudía en Buitrago de Lozoya ya se topa siguro para fines del S XIII komo se dokumenta en el Padrón de Huete. Los djudiós pagavan un alto karar de impuestos, ansí ke kontavan kon un importante rolo ekonómiko, i eran duenyos de tieras, vinyedos, munchas moradas o kazas.Enrique Cantera Montenegro, Catedrático de Historia Medieval de la UNED i eksperto en la istoria Medieval i en las Djuderías o Komunidades Djudías espanyolas mos ofrese interesantes datos ke partajamos kon los oyentes.Kurunamos el programa kon el kante tradisional sefardí "Yo m'enamorí" en la interpretasión de la kantadera sefardí Fortuna.Escuchar audio

En "Luz de Sefarad" ofresemos istoria i las investigasiones del Catedrático de Historia Medieval de la UNED, Enrique Cantera Montenegro, investigador afamado i eksperto en la istoria Medieval i en las Djuderías o Komunidades Djudías espanyolas. Kompartimos testimonios de su Konferensia sovre la Djudería de Torrelaguna en Centro Sefarad-Israel.La Djudería de Torrelaguna era una de las más destakadas, era una Aljama kon su propias Takanot o Leyes i Bet Din (Trivunal Ravíniko). Malgrado ke esta Komunidad Djudía no konservó restos arkeolójikos, ma sí eksisten dokumentasiones de investigasiones sovre komo eran estas Aljamas.Kante sefardí tradisional "Ama tiene caras" en la versión de Ángel Carril.Escuchar audio

En "Luz de Sefarad", Gonzalo Viñuales Ferreiro, Profesor de Historia Medieval de la Universidad Rey Juan Carlos mos informa sovre las moradas de los djudiós en la Djudería de Alcalá de Henares: komo eran, kon ke materiales se fraguavan las moradas de los djudiós. Datos kuriosos kon los kualos kontavan las moradas para saver ke eran de djudiós komo el burako para la mezuzá, ke es el simbol de proteksión ke se mete en las jambas de las puertas de la morada djudía.Nana sefardí tradisional "Durme, durme mi andjeliko" en la versión del Grupo A Ballare.Escuchar audio