Nitin Manna

NITIN MANNA   2019 February 14 Tlawngkai Nili   Duhdawtnak   Bawipa na Pathian cu nan thinlung zate, nan nunnak zate le nan thazaang zate in nan duhdawt pei.  – Daan. 6:5   "Thluak khuaruahnak (intellect) le thinlung tuarnak (emotion) an do awknak hmun ah, thinlung in a maksak deuhmi fimnak a nei," ti'n "A General Theory of Love" timi cabu ngantu in a ngan. Ahlan ih an rak sim ṭheumi cu, thinlung cu thluak khuaruahnak in a uk ti a rak si, asinan science fimnak in tuni ah a hmuh suakmi cu cumi thawn thu linglet a si: "Zo kan si ih zo vek kan silai ding timi cu zo si kan duhdawt, timi parah a ṭhum aw a si."   Cumi thawn a bang awk ziktemi Ca Thianghlim ih a cohlanmi cu khuahlan thutak a si ih, hmuh suak tharmi a si lo. Pathian in a minung pawl hnenih a pekmi Thukham thupibik sungah thinlung cu a saangbik hmun ah a ret, ti kan hmu thei. "Bawipa na Pathian cu nan thinlung zate, nan nunnak zate le nan thazaang zate in nan duhdawt pei" (Daan. 6:5). Thuthangṭha Marka le Luka kan zoh tik

NITIN MANNA   2019 February 13 Tlawngkai Nithum   Kan Lakih Pathian Ṭongkam   Na thuzirhmi pawl cu lungawinak i petu an si ih ruahnak ṭha i petu khal an si.  – Saam 119:24   Pathian Ṭongkam cu kan hnenah pianzia phun tampi in a ra thleng. Bible sirhsan thuthangṭha simmi ngainak, Ca Thianghlim siarmi ngainak, thangṭhat hla ngainak, burte Bible zirzoinak, le Nitin Manna cahram tawite siar ih thazaang laaknak tivek pawl ihsin Pathian thutak cu kan hnenah a thleng thei. Asinan cumi pawl lawng si loin kanmahte rori Bible siar le zirzoi hi daithlang lo a ṭha.   Tunaite ihsin ka thinlung i thamzettu cu Daanpeksalnak Cabu kha tluankhat hnu tluankhat cipciarzet ih zirzoinak le Jesuh ih Tlangpar Thuzirhnak (Matt. 5-7) thawn siartonnak hi a si. Himi pahnih sungah kan zumnak thuhrampi pawl a um: Thukham Pahra (Daan. 5:6-21) le Khrih ih Tlangpar Thuzirhmi (Beautitude) (Matt. 5:3-12) pawl an si. Daanpeksalnak in Thukam Hlun – Pathian ih Daan cu a minung pawl ih an thlun ding a duh thu a langte

NITIN MANNA   2019 February 12 Tlawngkai Nihnih   Titoih Ṭhatmi Nunnak   Tiva kiang ih a khomi thingkung, a hram tidai a thlengmi thingkung bangtuk a si. Ṭhaal caan nisa khal a ṭih lo,  a hnah a hring ringring.  Ruah a sur lo khal ah a phang lo, rah a rah ringring.    – Jeremiah 17:8   Rualpi ṭha ka neihmi pakhat cu Montana ih a ong awzetmi tlolak hmuan-duum kauzet pi sungah zalenzet in a um. A inn fehnak lamzin tluan cu tlangpar hramlak ramro ramcaar lakah caan sau ngaingai feh ṭul khi a si. A inn thleng dingin motor na mawng asile caan reipi cu lamzin kelkawi le leenkolh pawl na hmu vingvo dingih a inn kiangte na thlen tikah thingkung hring dildel le hanghnah hangrah pawl na hmu ding. North America ih tiva mawizet tampi lakih tiva pakhat cu a Loram sungah a luang ih cuih tiva kap ih a khomi thingkung pawl ih hram cun a cem thei dah lomi tidai an dawk ngah ringring.   Himi cu prophet Jeremiah ih a langtermi, Bawipa a rinsantu pawl ih nunnak cu "Tiva kiang ih

NITIN MANNA   2019 February 10 Zarhpi Ni   Vehvaitu   Hnipuan nei lo ka si tikah hnipuan in pek; ka nat lai ah in tuamhlawm; thawng ka tlak lai ah in tuamhlawm.    – Matt. 25:36   Mi pakhat in pension a la pekte mi a rual pa hnenah, atu hi hna na ṭuan nawn lo ih ziangsi na tuah ṭheu? ti'n a sut. Cu pa cun, "Keimah le keimah hi "vehvaitu" in ka ruat aw." Kan kawhhran sungtel pawl le kan khua sung mi siizung to pawl le putar le pitar zohkhennak ih um pawl, mahte lawng umhar lungleng ih umtu pawl, asilole biak le thlacam sak ṭul mi pawl ka va leeng. Cule cutiih ka tuahnak sungah ka nuam awzet!" ti'n a let. Ka rual pa cu hi pa ih tumtah thianghlim le midang a vehvai le a zohkhennak parah a lung a kimzet.   Jesuh an thah hlan ni malte duh ah, a dungthluntu pawl hnenah a ṭulsam mi pawl va vehvai ding a thupit zia langtertu thuanthu a sim. "Siangpahrang in a vorhlam kam ih umtu pawl hnenah, hnipuan nei lo ka si tikah hnipuan in pek; ka nat lai ah in tuamhlawm; ih thawng ka tlak lai

NITIN MANNA   2019 February 10 Zarhpi Ni   Vehvaitu   Hnipuan nei lo ka si tikah hnipuan in pek; ka nat lai ah in tuamhlawm; thawng ka tlak lai ah in tuamhlawm.    – Matt. 25:36   Mi pakhat in pension a la pekte mi a rual pa hnenah, atu hi hna na ṭuan nawn lo ih ziangsi na tuah ṭheu? ti'n a sut. Cu pa cun, "Keimah le keimah hi "vehvaitu" in ka ruat aw." Kan kawhhran sungtel pawl le kan khua sung mi siizung to pawl le putar le pitar zohkhennak ih um pawl, mahte lawng umhar lungleng ih umtu pawl, asilole biak le thlacam sak ṭul mi pawl ka va leeng. Cule cutiih ka tuahnak sungah ka nuam awzet!" ti'n a let. Ka rual pa cu hi pa ih tumtah thianghlim le midang a vehvai le a zohkhennak parah a lung a kimzet.   Jesuh an thah hlan ni malte duh ah, a dungthluntu pawl hnenah a ṭulsam mi pawl va vehvai ding a thupit zia langtertu thuanthu a sim. "Siangpahrang in a vorhlam kam ih umtu pawl hnenah, hnipuan nei lo ka si tikah hnipuan in pek; ka nat lai ah in tuamhlawm; ih thawng ka tlak lai

NITIN MANNA   2019 February 9 Zarhte Ni   Innsang Nuam   Cuti a si ruangah mipa in a nu le a pa a taanta ih a nupi thawn an kom aw. Cuti'n tisa khat ah an cang.   – Seem. 2:24   Coat aangki aire (yellow) rong hrutu nu ih mizia in ka thinlung zate a laak thluh. A sam saupi cu zoh mawi ka ti nasa. Cuti'n rei lote ah ralṭhat cuh in ka va nor. Sue cu ca a siar rerolai ah ka va hnaihnok taa, ih amah thawn ton awknak ding caan ṭha nei thei dingin ka va dilngen. Ka lungawi nasa, ziangahtile anih in, "aw (yes)" in ti ruangah!   A liam ciami kum 40 lenglo lai ah, Sue le kei cu college campus ah remcang lemlo ih kan ton awk hmaisabik thu le ningzak neizetmi Ohio tlangval pa le ningzak neizet vemi Michigan fala nu cu Pathian in mangbangza in pumkhat ah in komtuah thu pawl kan vun ruat saal. Kan pahtlang zomi kumtluan ih kan fanau kilvennak ah harsatnak vei tampi kan tong. Nauhak kilkhawi daan thu ah vei tampi kan rel tlang, ih pakhat kan sunralnak thu ah nasatak in kan buai.   Kan

NITIN MANNA   2019 February 8 Tlawngkai Ninga   Zosi Bawi (Boss) Cu?   Sualnak cu a lo uktu bawi si nawn hlah seh; ziangahtile Daan hnuai ah nan nung nawn lo, Pathian zaangfahnak hnuai ah nan nung zo a si.   - Rom 6:14   Ka nupi cu nau-um ih a um rerolai ah kan tupate pahnih cu leknak zuklem (toy) pakhat cuh aw in an buai. Hmakhat te'n a nauta sawn (kum thum mi) cun a upa cu awkaa hro in thu a pek: "Cameron, na khaan sungah feh aw," ti'n. A upa cu tikhuarkho khin a khaan sung lut dingih a umlai ah kan nu in, "Cameron, na khaan sungah lut hlah. Nathan cu na boss a si lo!" a ti. Cumi theih fiangnak in ziangkim a thlengh danglamter ih Cameron cu hni phah in a to ih a lek saal.   Jesuh Khrih ih dungthluntu kan sinak ah kan nun a kekkuai taktak ih sualnak sungih kan tlaknak ruangah kan tupa nauta sawn pa in thuneihnak (authority) dik lo a hmanmi vekin boss dik lo tangah kan taang thei. Sualnak in kan thinlung le kan khuaruahnak pawl a uk thei ih Rundamtu Bawipa thawn kan pehzom a

NITIN MANNA   2019 February 7 Tlawngkai Nili   Suah Ni Lawmnak   Ka nun sung hmuahhmuah Nangmah ka lo rinsan; Ka suahthlak ihsin Nangmah in i hum zo; Ka lo thangṭhat ringring ding.   – Saam 71:6   Suah ni cam pawl hi duhdawtnak langternak hrangah ka hmang ṭheu. Kum (5) kimnak suah ni lungawithu simnak kan tuah lai ih ka rualpi pawl in kan inn hmai ihsin in rak hngak rerolai caan tla ka vun mang lai. Kei cu ceimawinak bawlung pawl, suah ni laksawng pawl, le birthday cake tivek pawl parah ka thin a thir ciamco lemlo. Ka lung a awinakbik cu kum (4) nauhakte ka si nawn lo, ka upa vingvo ve thlang, timi parah ka lungkimzet sawn.   Sikhalsehla ka kum a upa deuhdeuh ih suah ni lomnak puai pawl in ka lung in awiter thei nawn lo hlei ah thinharnak lamlam in pe sawn thlang in ka thei. Kan dung kum ka suah ni lomnak ah ka nupi Martie in na tar deuhdeuh thlang sokhaw ti i theihter phah in i hnam. Cule Saam 71 sungih Saam cangantu in kumtluan Pathian ih a umpinak thu a simmi pawl kha i s

NITIN MANNA   2019 February 6 Tlawngkai Nithum   Thuhmi Sungah   Nangmah a lo ṭihzahtu pawl hrangih na khawl ciami thil ṭha a tam zia cu! Nangmah a lo riantu pawl na humnak thu mi hmuahhmuah mit hmuh ih a mawi zia cu!    – Saam 31:19   Ka pasal lungnat besia (heart attack) a ngah hnu zarh tam nawn a rei ah a nunnak a zuah hrihtu Pathian hnenah lungawithu kan sim ṭheu. Thla tam nawn a rei tikah thusuhnak tampi ka tong ṭheu. Cutikih ka thulehnak cu a olte: "Pathian thluasuah ka dong, Pathian ih thluasuah mi ka si ti'n ka ruat aw," ti vial lawng hi a si ṭheu.   Sikhalsehla thluasuahnak timi hi pianzia a phunphun in le a tuum a seen a phunphun in kan hnenah a ra thleng ṭheu. Ngaingaite cun, thluasuah a si, ti'n kan theithiam ringring lo. Ziangkim kan tuahnak ah le harsatnak kan tuarlai caan hmanah Pathian in ziangmi si tuahter in duh ti kan thei lo. A caancaan ah Pathian in kan duh daan in kan thlacamnak in let lo, a khul a fuungtuk ti'n kan ruat ṭheu.   Himi vek thuhl

NITIN MANNA   2019 February 5 Tlawngkai Nihnih   A Harhdammi Thluak ih Um Zia   Bawipa cu rinsan awla thilṭha tuah aw. Cuti cun hih ram sungah himdam tein na um ding.      – Saam 37:3   Tuni ah an sim tamzetmi cu kan harhdamnak ṭhangso dingin siibawi in kan natnak a hmuhmi thu harsa in sim hmanah a ṭhalam ih thuruah theinak mizia neih ding, timi hi a si. North Carolina University ih psychology professor Barbara Fredrickson, PhD in, lungawitertu cangvaihnak pawl nei ding, lungawi te'n um ding, duhdawtnak nei ding, le a dang a ṭhalam ih thuruat theinak pawl neih a ṭul, ti'n a sim. Cumi pawl cu kan thei cio ko, asinain cumi hnakih thupi sawn lungawinak, thlangamnak le duhdawtnak ih hrampi a simi kan hngatsan dingmi Pathian kan theih a ṭul.    Saam 37:1-8 siarnak in a ṭha lolam ih thuruatnak le thinharnak kan neihmi damternak, le a ṭhalam ih cangvaihnak in neihter thei. Hih thinlung caktertu pawl hi ruat hnik: Bawipa cu rinsan awla thil ṭha tuah aw. Cuticun h

NITIN MANNA   2019 February 4 Tlawngkai Nikhat   Paisa ih Lei Thei Lomi   Ziangahtile Khrih a thihnak thawngin kan sualnak cu ngaidam a si zo ih a luat mi kan si zo. Pathian in a zaangfahnak cu kan hnenah tamzet in in pek ruangah, a zaangfahnak cu a va tuum lawmmam so!   – Efesa 1:7   Paisa ih a lei thei lomi thil pawl an um – asinan tuni ahcun cumi pawl cu an tamtuk lemlo ding," ti'n Michael Sandel in, "What Money Can't Buy" timi a cabu sungah a ngan. Mi pakhat in thawng-inn sungah khaan nuam deuh kha $90 in a lei thei, ih na doctor ih cell phone number tla $1500 in a lei thei. Cumi cun "ziangtinkim zikzik hi lei theih in an um a bang," timi a langter.   Sikhalsehla, paisa ih lei theih lomi cu tlennak (redemption) – sualnak sal sung ihsin luatnak dingih in rundamnak hi a si. Tirhthlah Paul in Pathian in Jesuh Khrih thawngin kan rundamnak hrangih a khuakhannak ih um zia le a maksak zia pawl ngan a thawh tikah, a thinlung cu thangṭhatnak in a khat: "Ziangahtile Khrih a thihna

NITIN MANNA   2019 February 3 Zarhpi Ni   Tuluk Thufim   Curuangah ka duhdawtmi u le nau pawl, tlu lo dingin hngetzet in ding uh. Pathian hna cu taimazet inṭuan ringring uh; Bawipa ih hnaṭuan cu alak a si dah lo, ti nan thei.       – 1 Korin. 15:58   Tuluk thufim pawl hi menmente an si ih an dunglam ah thuanthu an nei ṭheu. Thufim pakhat, "faangcang kung pakhat a ṭhannak bawm dingin a hram in dirso aw," ti a si ih cumi cu Song Dynasty sanlai ah mi thintawizet pakhat ih thu a si. Amah cu a faang ciinmi pawl kha zamrangzet ih ṭhanter a duh. Curuangah a ti daan ding thu a ruat cat. Faangcang kung pawl kha letmah malte ciar a dirso. Cuti ih a tuah hnu a thaisuun ah a faangcang lo cu a va haal. A thlairawl pawl an "ṭhang" saang deuh, ti'n a hmu ih a lungawi. Asinan a lungawinak cu caan tawite sung lawng a daih. A thaisuun ah faangkung pawl cu an rocaar thluh, ziangahtile an hram a thuuk nawn lo ruangah.   2 Timote 2:6 sungah, tirhthlah Paul in thuthangṭha simt

NITIN MANNA   2019 February 2 Zarhte Ni   Kan Harhdamnak Hrangah   Bawipa cu thangṭhat uh; A hmin cu phuang uh. A thiltuahmi cu mi hmuahhmuah hnenah than uh.    – 1 Sansiar. 16:8   Duke University Medical Center ih hliakhlaitu hminthang pakhat ih simmi ah, "Lungawithu sim ding cu riit theinak sii (drug) parah asile cumi cu leilungtlun ih zuar khongbikmi thilri, kan ruangpi parih taksa ṭhen thupi pawl hrangih [damnak a si]" ti'n a um.   Mi ṭhenkhat hrangah lungawinak timi cu lungawi sopar teih um – kan neih tummi ah si loin kan neih zomi thilri parah hmuitin tahrat ih lungawi diriam teih umnak in tikcu caan laak khi a si. Bible cun lungawithusimnak cu cumi hnakih thuuk sawn in a sim. Lungawithu   kan simnak in thluasuah petu Pathian in theihter ringring (Jeim 1:17).   David in Pathian cu Jerusalem ah thukam kuang him teih a thlen theinak dingah ṭuanvo a nei, ti a thei (1 Sansiar. 15:26). Cumi ih rahsuah cu amai' thinlung duhnak vekih thil cang dingmi ah si

NITIN MANNA   2019 February 1 Tlawngkai Ninga   Komkhawm In Ṭuan Tlang   Pathian in kan ṭuan ding hrangih a rak timtuah ciami hnaṭuan ṭha ṭuantu dingah Khrih Jesuh sungin kannih cu siam tharmi kan si.    – Efesa 2:10   Ka nupi Janet in Dreadnought D-35 guitar ṭhazet ka kum 65th kim suahcam laksawng ah i lei sak. 1900s tuan deuh kum hrawngah hih Dreadnought style guitar design cu suah thok a si ih cumi sanlai ih design dang pawl hnakin a aw a ṭha sawn, a ring sawn ruangah a laarzet. Cumi cu Leitlun Ralpi Veikhatnak ih British battleship HMS Dreadnought hmin laak ih hminpek a si. D-35 ih dunglam pianzia cu phundang te a si. Kut zung thiam pa in a ṭhazetmi rosewood thingpheng kaupi a ngah thei lo ruangah thingpheng fate pathum a komkhawm tikah hi vekih a aw ṭha cuang ih a suah theinak a si.   Pathian ih kutsuak cu guitar design mawizet thawn an bang awk. Jesuh in a kekkuaimi pawl kha a komkhawm ih Amah thangṭhattu dingah a laak hngai. Jesuh in ngunkhuai khong hnaṭuantu paw

NITIN MANNA   2019 January 31 Tlawngkai Nili   Kharmi Sangka   Ngai hnik uh! Pathian mit-hmai ttha ngah caan cu tuih caan hi a si; rundamnak co ni cu tuih ni hi a si.  – 2 Korin. 6:2   Beep, beep, beep, beep! Tlangleeng sangka kan khar thlang ding, tiih awnring le meitleu ralrin peknak aw a si. Cucing in mi hrekkhat cu platform parah tlan le zuang in tlangleeng parih kai an tum rerolai. Sangka pakhat cu an khar thlang. Vanṭhat ah mi pakhat cu sangka in a rial ngah zik leuleu na'n cep ngah lo deuh fangin him te'n a lut ngah. Ka mangbangzetmi cu ziangruangah minung pawl hi hitluk lawmmam in an ngamhuai (risk) duh rero si pei, a rei hlan minute 4 ah tlangleng dang a ra thleng ko ding na'n sikhawh, ti'n!   Cumi hnakih thupi sawnmi saangka a um, ih an khar hlan ih kan lut ngah rori a ṭul. Cumi cu Pathian ih zaangfahnak sangka a si. Tirhthlah Paul in, "Ngai hnih uh! Pathian mit-hmai ttha ngah caan cu tuih caan hi a si; rundamnak co ni cu tuni hi a si," a ti (2 Korin. 6:2). Khrih leitlu

NITIN MANNA   2019 January 30 Tlawngkai Nithum   Thlacam Caan   Culai ah Jesuh cu thlacam dingin tlang parah a kai ih Pathian hnenah zaanvar thla a cam.  – Luka 6:12   Michigan ih snow tlak caan ah ka tule pawl thawn plastic leeng to in kan inn dunglam hmunsuk ih tolh khi ka nuam awkzet. Second 10 hrawng a suklam ah kan tolh ih cule a solam ah kan kai saal lala.   Alaska ah tleirawl pawl thawih khual kan tlawn tlanglai khal ah vur parah leeng kan to ciamco dah. Bus in tlangzim thleng zikte tiang kan leeng thawn in phurso. Vur par feh theimi leeng parah kan kai ih cuti'n minute 10 in 20 sung (kan ralthat le ngam daan ih zirin) hmunsuk hraapzet ah kan leeng cu cakzet in kan mawng ciamco.   Chicago ih kan inn dunglam ahcun second 10 sung te lawng asilole Alaska ahcun minute 20 sung rori vur parah leeng kan to. Cumi cu an pahnih in vur parih leengto ti a si veve ko na'n a caan a bang awk lo.   Himi hi thlacam thawn pehparter in khua ka ruat ciamco. A caancaan ahcun kan hmua

NITIN MANNA   2019 January 29 Tlawngkai Nihnih   In Bawmtu Bawipa   Keimah bomnak cu Bawipa ih hnen ihsin a ra; Lei le van tuahtu Bawipa ih hnen ihsin.  – Saam 121:2   Kum kul mi Lygon Stevens, tlangpar kailam ih tontehnak neitu nu cun Mt. McKinley, Mt. Rainier, Ecudor ih Andean tlangsang pawl ih luzim a thlengh thluh zo ih Colorado ram ih tlangsaang 39 pawl ih luzim a thleng ṭheh. Cumi nu in ziang a sim tile: "Tlang par ka kai, ziangahtile tlang pawl ka duhdawt ruangah, cule cutawk hmun ah Pathian ka tong" a ti. 2008 kum January thla ah Lygon cu Colorado thlanglam ih Little Bear Peak tlang parah a naupa Micklis thawn an kai rerolai ah tlangzim ihsin vur tikhal luangmi ruangah a thi.   A nu le pa cu Lygon ih thlaraulam tontehmi a ngankhumnak journal an hmuh tikah Jesuh Khrih thawn pehtlaih awknak nei ih an feh tlang zia an theihmi in an hna a ngamterzet. A nu in, "Lygon cu a Bawipa thawn thukzet le duhnungzet in catbaang loin an um tlang ringring, thlaraulam in mi pitlingzet pawl

NITIN MANNA   2019 January 28 Tlawngkai Nikhat   Thinhar Donak   A ṭul ngaingaimi cu pakhat lawng a si. Cumi cu Mary in a hril ngah ih zohman in an long thei nawn lo pei," tiah a ti.    – Luka 10:42   Nitin tein highway ah zungkai le zungttum in mawtaw ka mawng ringring, ih nitin tein thin hnaihnoktertu pawl ka hmu ngah ringring. Cu pawl cu mawṭaw mawng phah in telephone an biak asilole cakuat (texting) an tuah phah. Mi hrekkhat pawl cu thuthangca tla an siar phah, make-up tla an hnih aw phah ih rawl tla ei phah in nazi pakhat ah peng 70+ cak in an mawng! A caancaan ahcun thinharnak cu hmakhat te'n zohman siatsuah loin a reh thei. Sikhalsehla mawṭaw cakzet ih mawn rerolai ahcun midang thihnak ah tla a cang thei.   A caancaan ah thinharnak pawl cu Pathian thawn kan pehtlaih awknak sungah buainak a suahpi thei. Cumi cu Jesuh le Martha ih pehtlaih awknak vek khi a si. Martha cu hnaṭuan tampi nei in a thin a ṭeu. A helhkamnak le awloksongnak cu ei-in ding tawlrelnak ah a si

NITIN MANNA   2019 January 27 Zarhpi Ni   Pathian ih Kutcak   Ka nunnak in Nangmah a lo pawl, Na vorhlam kut in i himter.    – Saam 63:8   NASA in vanpar zohnak telescope thar hmangin spectrum tleunak zoh a thok peklai ah, hliakhlaitu pawl cu zuk pakhat an hmuhmi ruangah an lau thluh. Cumi zuk cu minung ih kutzaphak vek a bang, zungpi le zaphak cu mepian rong, panzawng, ahring le sui rong a si. Mi ṭhenkhat pawl in cumi cu, "Pathian ih Kut" ti'n hmin an sak.   Pathian cu a fahniang pawl ih kan poiṭul caan ah A kutcak ih in bawm dingin a man ringring, timi thutak hi Ca Thianghlim ih sim duhmi muril a si. Saam 63 ah: "Ziangahtile Nang cu in bawmtu na si ringring; Na thladem hnuai ah lungawi in hla ka sak. Ka nunnak in Nangmah a lo pawk, Na vorhlam kut in i himter," ti'n a um (cc. 7-8).   Saam cangantu in Pathian ih mi bomnak cu minung kut in kaihruai vekin a langter. Bible thiam hrekkhat pawl in hih Saam hla hi David siangpahrang in a fapa Absalom ih a do, that dingih

NITIN MANNA   2019 January 26 Zarhte Ni   Ka Baantha A Cakter   An zate in kan hnatuanmi baang dingah in hro ciamco. Asinan Pathian in i cakter sinsin zo.    – Nehemiah 6:9   Singapore ram ih prime minister hmaisabik Lee Kuan Yew cu tuni ih a ṭhangsozetmi Singapore ram sersuaktu a si tiih upatnak cotu a si. Amah ih rampi a rak uk le kaihhruailai caan ah Singapore cu Asia ram sungih a lian le a tthangsobik ram pawl lakah pakhat ah a tel thei ve. Rampi a rak hruailai ah soiselnak le ngiarnak vei tampi a rak tong. "Ziangti'n si na rak tuar?" tiih thusuhnak an neih tikah, annih in, "Himi cu ka nundam sungih ka pumpeknak a si," ti'n a let.   Nehemiah, a cimzomi Jerusalem khuakulh hauhruang dawl saalnak ih hotu pa in an hnaṭuan reromi cawl mai ding cu a duh hrimhrim lo. A kiangkap ih ummi a ral tampi pawl in an ngiar, an hnaihnok ih an dawnkham, amai' minung pawl rori khal in an dokalh hrih (Neh. 4-5). A ral pawl in himi cu amai' bulpak hrang hlawknak hawl a si ti'n an ti (6: