Sbs Hmong - Sbs Hmong

Australia thiab EU cov kev kos xyeem mem tes pom zoo ua lagluam ywj pheej uas yuav ua lagluam ib xyoos twg txog $10 billion, thiab yuav ua tib zoo xyuas kom Australia tej khoom los yog EU tej khoom xa rau ib tog twg tsis txhob tau them se. Ua ke no los kuj muaj ib cov kev koom tes lagluam, tswj kev ruaj ntseg, cyber security, counterterrorism thiab tswj kev ruaj ntseg rau tej ciam dej thiab. Txawm li cas los kuj tseem muaj pab nom National tsis pom zoo rau tej tswv yim no thiab hais tias yeej pab tsis tau tej neeg ua liaj ua teb kom xa tau lawv tej qoob loo mus muag ntawm EU thiab Greens hais tias yuav tsum tau txheeb kom ntau kev phooj ywg thiab koom tes lagluam nrog lwm cheeb tsam vim Australia nyob ntawm Oceania thiab Southeast Asia no tsis yog pheej tos ua luam nrog Meskas thiab EU nkaus xwb.